المنتدى الاقتصادي العالمي وغياب لبنان

23/06/03

مرة جديدة حكم الوجهات ووحدة المسار والمصارين والخاصرة الرخوة/ المدلوقة علينا من كل الجهات/مرة جديدة لبنان الحكم وحكومة الادارة ع كل الجهات/ ضيعوا ع البلد فرصة تاريخية وامتنعوا عن اجتماع دولي واقليمي ع مستوى عالٍ/

رفضوا حضور المنتدى الاقتصادي العالمي/ يلي انعقد بالأردن لمدة تلات ايام برئاسة جلالة الملك عبد الله وحضور فاعل لـَ اربعين دولة / من بينون معظم الدول العربية الكبيرة/ وكمان جامعة الدول العربية ممثلة بأمينها العام/ بالاضافة للتمثيل الرسمي ل الدول حضرت اكثر من 1100 من الشخصيات الدولية البارزة بِ المجالات السياسية والاقتصادية والاكاديمية والدينية/من ضمنون وفد سوري شارك للمرة الاولى بٍ اعمال هالمنتدى من وقت تأسيسه، الوفد ترأسه رئيس لجنة تجار دمشق راتب الشلاح وتكون من خمسة اعضاء. الشقيقة اعتبرته غير رسمي/ولكن الوفد أكتر من رسمي/ وموقع رئيس لجنة تجار دمشق موقع مهم/ دايماً فيه بعثي مقرب من رئاسة الجمهورية ومرضى عنه/

الشقيقة منعت لبنان يحضر بحجة مشاركة اسرائيل /بالوقت يلي سمحت هي لحالها تشارك وبقوة/ ما المحلل للشقيقة ولباقي العربان محرم علينا/العسكر الاسرائيلي بيتشمس ع جبهة الجولان/ونحنا جنوبنا بيحترق هو وناسه/ الحكام السوريين بيجتمعوا مع الاسرائيلية بالسر والعلن وبيلعبوا معون طاولة زهر ب كمب دايفد/هيدا حلال/بس المعتر اللبناني من سكان الشريط الحدودي بالجنوب ومن بعد ما دولته والعربان كلون تخلوا حاربوه وجوعه/ بيعتبر عميل وخاين لأنو اشتغل باسرائيل وطعما ولادوه/أما المليون عامل فلسطيني يلي عم يشتغلوا يومي بإسرائيل فهودي أبطال وإلون حقوق وبيفرجون ع التلفزيونات/ وهني عم يشتكوا من مضايقة الجيش الاسرائيلي/

لبنان ممنوع يودي جيشه ع حدوده مع إسرائيل/الحدود لازم تبقى مع المليشيات الممسوكي من الايرانية والسورية/وجود جيشنا ع حدودنا خيانة/ بس اعتراف كل الدول العربية باسرائيل وتبادل معظمها السفراء والبعثات الدبلوماسية معا/هيدا عمل قومي/ عقد الأردن ومصر معاهدات صلح مع اسرائيل بطولة/ولبنان ممنوع حتى يشارك يِ اجتماع فيه اسرائيلي/

اجتماع وزراء خارجية البحرين وقطر وغيرون بنظيرون الاسرائيلي شالوم خلال انعقاد المنتدى بالاردن/ شي عادي/ولكن ملكة جمال لبنان اعتبرت عملية وتحولت ع المحاكمة لأنو اخدت صورة مع نظيرتها الاسرائيلية/بلندن

غريب عجيب أمر العربان/ وخصوصاً الشقيقة الخاصرتها رخوي عنا/كل شي محلل إلون/محرم علينا/ دخلكون شو السبب؟ مش لازم نعرف/قولكن لأنو حيطنا واطي/والكل بينط من فوقه؟

ليش لبنان الحكم ما شارك بالمنتدي يلي انعقد بالأردن برئاسة ملكه؟/من غير شر لأنو إسرائيل تسللت ع المنتدى/ هيك قال الوزير الجنبلاطي الدركسيوني مروان حمادة/أه الدركسيونية هيدي علم سعسغي تقوي من تخصص وليد بيك/ومتل ما قلنا من قبل عندو البيك شي مية دركسيون وكلون خلانج وماركاتون مسجلة/ كل يوم بيشتغل ع واحد منون وبيكوع/ هلق متل ما بتعرفوا مكوع من عند الشيخ رفيق لعند فخامته/ومروان متلو متل غازي بيتهدوا بدركسيونات البيك/وهو بياخدون وبيجيبون معو/

الشقيقة أمرت حكام لبنان ما يروحوا ع الأردن/والحكام الواقفين ع الخط الوطني العرباوي المقاوماتي/ الخاصراتي الرخواتي/ قالوا ع الواطي وهني راسون واطي/ حاضر سيدي/سمعاً وطاعة/أه/المحلل للشقيقة ولخاصرتها/محرم ع لبنان/وملعون هو ابو حاصرتوا/

من سنة ال 90 والشقيقة متحكمي بقرار حكمنا ع الآخر/عم تستعمل بلدنا واهله ورقق بمساوماتها وسمسراتها وخدماتها الاجرامية/معتبرتنا مجرد ملف/ معربطا فيه وماسكتوه بايديها وجريها/ بتعين حكامنا وبتنقي منون الأكثر ركوعاً والأكثر مطواعيةً/ والأكثر زحفاً وانبطاحاً/

هودي أوبة قرارون مربوط بحبال الذل والتبعية/بيطلع صوتن ع العالي وبياخدوا راحتون بس لما بتهوشون الشقيقة ع بعضونز الرؤساء يلي حضروا المنتدى رئيس المانيا يوهانس راو وافغانستان حميد كرزاي. ومن الشخصيات السياسية البارزة الامناء العامون للامم المتحدة كوفي انان وحلف شمال الاطلسي اللورد جورج روبرتسون والجامعة الدول العربية عمرو موسى ومجلس التعاون الخليجي عبد الرحمن بن حمد العطية والممثل الاعلى للسياسة الخارجية للاتحاد الاوروبي خافيير سولانا.

مثل العراق الحاكم الاداري الاميركي بول بريمر ومسؤول عن وزارة النفط العراقية ثامر غضبان ووزير الخارجية العراقي الاسبق عدنان الباجه جي. وحضر العديد من وزراء الخارجية منون وزير خارجية اسرائيل سلفان شالوم ووزير السلطة الفلسطينية نبيل شعث. وشارك وزراء خارجية الولايات المتحدة كولن باول والاردن مروان المعشر ومصر احمد ماهر وتركيا عبد الله غول وقطر الشيخ حمد بن جاسم آل ثاني وروسيا ايغور ايفانوف واسبانيا انا بالاسيو واليونان جورج باباندريو والنرويج يان بيترسون. ووزراء مالية وتجارة حوالي 12 دولة، وكمان شاركت شخصيات كبيرة بِ عالم النفط والاقتصاد والتجارة والقطاعات المالية. منون رئيس منظمة الدول المصدرة للنفط (اوبك) عبد الله بن حمد آل عطية ووزير التجارة الاميركي روبرت زوليك ووزيرة الصناعة الفرنسية نيكول فونتان والمفوض الاوروبي للتجارة باسكال لامي. وكمان شارك وزير الاقتصاد والتجارة والزراعة الاميركي آلان لارسون ورئيس صندوق النقد العربي جاسم المناعي ورئيس الصندوق العربي للتنمية الاقتصادية والاجتماعية عبد اللطيف الحمد. ومن بين الحضور كمان مدير الوكالة الدولية للطاقة الذرية محمد البرادعي والمفوض الاوروبي كريس باتن ورئيس الوزراء الاسرائيلي الاسبق شيمعون بيريس وممثل الامم المتحدة في العراق سيرجيو فييرا دي ميللو.

الفلسطينية/ المصاروي/ ربع دول الخليج/السوريين/ وباقي العربان كلون حضروا/ اوروبا وأميركا كمان حضروا/نحنا بس منعتنا الشقيقة/أه/ ما كل شي محلل للشقيقة ولباقي العربان والجربان/ونحنا محرم علينا حتى نحكم حالنا ونحط جيشنا ع حدودنا/حتى هويتنا حرموها علينا/ولبوسنا عباياتون/

ع كل حال ما في شي بيدوم/ غير وج الخالق سبحانه تعالى/ولبنان شاف كتير محتلين وفاتحين واباطرة ومارقين/كلون مرقوا وراحوا/ولبنان وهويته وجذوروه ارزاتوه بقيوا/والمحتل الحالي البعثي مش راح يكون حالوا أفضل من يلي سبقوه/هني سبقوه وهو لاحقون/قولوا انشاء الله وسامحونا/